Lo 4en rendètz-vos de la Setmana de la Paraula se debana a Carcassona, a l’Ostal de las Memòrias en collaboracion amb lo GARAE.

Pensatz de reservar (0468712969) per aquesta conferéncia dijòus 5 de novembre a 6 oras del ser.

Lou Riege, de Jóusé d’Arbaud

***

Lou Riege que s’estiro à levant, uno idèio en virant pèr d’aut de la famouso glèiso de Nosto-Damo, entre-mitan la costo e lou Vacarés, es un bos estrangla proun, mai alounga, peraqui, sus dos o tres lègo, fourma pèr d’iloun que subroundon lis estang ounte avenon lis escoulage e que coumunicon sèns ges de restanco emé la mar ; sus aquélis iloun, que ié disèn, nautre, de radèu, ivèrestiéu, ié fouguejo un fourni de restencle, d’óulivastre e d’aubret oulourous, d’aquéli mourven, qu’entre si broundo, à rode, se i’envertouion lis entravadis di tiragasso. Per bos, li couniéu fan nèblo emai li reinard ; li cat-fèr o cat sóuvage, ié soun pas causo bèn raro ; e, tambèn, iéu, de-fes, i’ai agu couta de loup e quàuqui feróugi cervié. A l’entour di radèu, sus lis estang que, l’estiéu, s’agouton, e, qu’alor, à l’escandilhado dóu salanc, la Vièio ié danso, l’ivèr arrambo un fube de sóuvagino, d’auco, de canard, de sarcello – coungreiado, acò se saup, pèr la grumo de la mar, – sèns coumta touto la primaio, vanèlo, pluvié, cambo-roujo, charloutino emai charlot, sèns coumta li becarut, que sis alado rousenco, fantaumejon, l’estiéu, sus lis aigo vasto dóu Vacarés.

Dóu tèms di caumasso, lou Riege, desprouvesi d’aigo douço e rabina de la secaresso, s’escapo, de mai, empouisouna de manjanço e de mousco verinóuso que secuton lou bestiau, mai, dins la sesoun marrido, estènt que la terro ié sablejo, l’erbo se ié manten fresco e quand règnon li gros tèms, lou founi de mourven ié fai bon abri pèr lou capitau d’uno manado.

Mots en provençal que tornam trobar en lengadocian … levat (sauf) « Brimbello negro » = myrtille (airelle)

e « berigoulo » per campairòl

En cò vòstre/ chas vautres cossí / coma disètz brimbello (Brimbèla) e berigoulo (berigola)

Veiquí quauquas fotòs de la brava velhada dau 7 d’octòbre en la Maison dau Parc Liuradoés-Forí, embei las contairas Glaudeta e Josiana e le musicien-chantaire Eric Desgrugillers

[Fr] Voici quelques photos de la belle veillée du 7 octobre, à la Maison du Parc Livradois-Forez, avec les conteuses Claudette et Josiana et le musicien-chanteur Éric Desgrugillers