Cant dóu tèms renadiéu, pèr Andriéu Chamson (1900-1983)
***
Darrié l’oustau, i’a la mountagno
Ounte barrulo lou ferun,
Dins la nèu blanco o dins l’eigagno,
De l’aubo frejo au calabrun
E dins la niue pleno d’estello,
La nivo sourno l’enmantelo,
L’aigo regolo dins si ro
E, di mourre, li négri tèsto,
Dins l’esclargido di tempèsto,
Lauron lou cèu coume de pro.
***
Ni jour, ni niue, ni-mai semano,
Noun podon caneja lou tèms
Rajant, sèns mesuranço umano,
D’un printèms à l’autre printèms.
Eici s’alando un autre monde
E ço que l’ome ié semounde
Se tremudo dins sa clarta
E pèr lis esfèro bressado,
S’esvalisson nòsti pensado
I relarg de l’eternita.
***
Dins l’oustau, lou reloge souno
Lis ouro di jour e di niue,
Sèmpre egalo, sèmpre bessouno,
Mai deforo, subre li piue,
De lus en lus e d’oumbro en oumbro,
Dins sa fuso que noun se noumbro,
Virant dins la faudo de Diéu,
Tras lis aven de l’empirèio
Ounte la vido se coungrèio,
S’enfugis lou tèms renadiéu !
***
Dernier jour pour souscrire au livre Chansons traditionnelles du Périgord et d’ailleurs !
Déjà 160 souscriptions venues de toute la France, et même de l’étranger : États-Unis, Suisse, Belgique, Japon… Merci à toutes et tous pour votre confiance !
Nous sommes heureux de vous proposer, en coédition avec l’association Lo Bornat dau Perigòrd, cet ouvrage de près de 500 pages, rassemblant plus de 400 chansons et variantes, avec partitions et traductions en français.
Toutes les mélodies seront disponibles à l’écoute en ligne.
Souscription sur HelloAsso
