La proupreta dis Arlatenco, de Mistra
***
Dins un coumbat navau que lou comte d’Estaing liéurè is Anglés, lou 16 de juliet de 1779, fuguè tua sus lou veissèu dóu rèi, la Prouvènço, un marin d’Arle nouma Pèire Bernat.
Coume sabès, d’aquéu tèms, èro li capelan que tenien li registre di neissènço e di decès ; e, naturalamen, lou mortuorum de Bernat arribè vers moussu Costo qu’èro lou curat de sa parròqui. Lou brave moussu Costo enregistrè la mort : pièi se faguè ’n devé d’ana pourta éu-meme la marrido nouvello, emé li counsoulacioun de sa paraulo caritouso, à la pauro véuso – que ié disien Mariano Caboto.
– Noste segne te counserve, ma pauro Mariano ! ié faguè lou vièi curat ! Vene t’anouncia, pecaire ! quaucarèn de bèn triste… Noun an pas tort de dire :
Mouié de marinié
Ni maridado ni mié…
Mai, lou bon Diéu es mort… Que fuguen sus terro, que fuguen sus mar, nous fau tóuti i’ ana…
– Houi ! que venès me dire ? plan ié faguè la femo, belèu moun ome es mort ?
– O Mariano, plouro ! Toun paure ome es esta tua.
– Chut ! moussu lou Curat, au noum de Diéu, chut ! chut ! me parlés pas mai d’acò… Vès, lou sang, la souspresso, l’esfrai, lou mouvemen… Revenés dins vue jour m’aprendre la nouvello, revenés que dins vue jour. Vous n’aurai bèn d’oubligacioun !
Lou bon curat coumprenié gaire acò-d’aquí ; mai pamens, respetuous de la doulour de nosto véuso, proumeteguè de reveni au bout di vue jour di, e la leissè…
Mai que fai Mariano ? Lèsto coume un aucèu, cour vers la fretarello la mai abilo dóu quartié, e ié dis :
– Ma mio, vène, que netejaren un pau. E’m’acò, tout-d’un-tèms, bèu vuèch jour à-de-rèng en risènt e en cantant coume se rèn noun èro, lavo que lavaras, ciro que ciraras, freto que fretaras ! Vague l’òli dóu couide ! Mio ! porge lou bresié, lou safras, l’areno fino ; mio, baio-me lou bou, la ciro jauno, lou recou ! Un cop de counsòudo aquí, un cop d’escoubeto eila ! Basto de la cadaulo jusqu’au trau de l’eiguié, de la coco à la moco, e di cafiò fin-qu’au cremascle, tout, ma fisto, es escura, esmera coume uno perlo.
– Aro, se diguè Mariano, Moussu Costo pòu veni…
Pour lire la suite et voir la traduction en français, merci de cliquer sur le lien :
Signez la pétition sur notre nouveau site http://transparencecitoyenne.fr/…/frais-mandat…/ chaque signature nous aide à faire pression pour obtenir cette transparence.
Boscos de conte, pobles de postal, rutes i receptes per viure la tardor a la Vall
RÈGLA DE SINTAXI, o sabiatz, va/ba sabiatz, lo sabiatz aquò ?
Illustracion, extrach gramatica lengadociana de Léon Lamouche. Edicion Parage de Mount-Pelié, 1942