Aprendre e practicar l’occitan provençau a l’Ostau dau País Marselhés
L’experiéncia a mostrat lei dificultats que pòdon rescontrar d’adultes per seguir d’un biais regular una formacion de tres ans en presenciau. Lei constrenchas personalas, familialas e professionalas rendon de còps malaisada una tala disponibilitat sus la durada.
Es pasmens essenciau de prepausar una formacion de qualitat, amb una progression clara, un seguiment deis aprendissatges e un acompanhament de la practica de la lenga, dei començaires ai pus avançats.
Per respòndre a aquelei besonhs, l’Ostau dau País Marselhés prepausa un percors que liá l’aprendissatge individuau en linha e la practica collectiva en presenciau. Cadun pòt ansin avançar a son ritme, tot en beneficiant d’un seguiment e de temps d’escambi per parlar la lenga.
Aprendre a son ritme, amb un seguiment
La formacion de basa se fa sus la plataforma Parlam Provençau. L’inscripcion au cors en linha constitué l’inscripcion generala a la formacion.
Cada escolan avança a son ritme e obtèn sei certificats directament sus lo site. Lo responsable de la formacion pòt seguir la progression deis escolans, identificar lei dificultats e orientar l’acompanhament segon lei besonhs.
Practicar la lenga ensems lo dijòus
Leis obradors en presenciau permeton de metre en practica çò qu’es estat aprés en linha, a l’entorn de tematicas e de situacions variadas. Prepausan un temps per parlar, escambiar e ganhar d’assegurança dins l’usatge de la lenga.
Per participar a un obrador, fau aver obtengut lo certificat correspondent au nivèu demandat. Lo minimum es lo nivèu 1 validat dau cors en linha.
I a ges d’inscripcion particulara per cada obrador : basta de se presentar, un còp lo nivèu demandat validat.
Lei nivèus prepausats variaràn au fiu de l’annada per acompanhar tant lei començaires que leis escolans pus avançats. Un calendier comunicat a l’avança precisarà lei datas, lei nivèus demandats e, dins la mesura dau possible, lei tematicas.
Gardar lo liame e trobar d’ajuda
Lo forum dau cors sus Gnomio permetrà de gardar lo liame entre lei sesilhas, de recebre leis informacions sus la formacion e leis obradors, de pausar de questions e de trobar d’ajuda.
Aquel espaci comun acompanharà leis escolans dins son aprendissatge e sa practica de la lenga, dei començaires ai pus avançats.��Autrament, se lo besonh vèn, leis escolans marcats au cors en linha seràn recampats dins un grop Signal per assegurar lo liame e l’organizacion.�
Començar l’annada : DIJÒUS 1er d’octòbre 2026
Doncs, ara és la teva, endinsa’t en l’aprenentatge de l’occità. Descobreix aquesta llengua tan polida i interessant! 
És llengua oficial a Catalunya d’ençà de l’Estatut del 2006
Tingueu present que: qui canta els seus mals espanta 
CORAL CÒR D’ÒC 
dimecres quinzenals, de 15h30 a 17h00 – CAOC
cordoc2023@gmail.com
No cal cap tipus de destresa cantora, només ganes de cantar i de fer-ho en occità.