Gustau Aliròl, una de las figuras mai conegudas de l’occitanisme politic, es mòrt a 76 ans a causa d’una malautiá folzejanta. Foguèt president de Volèm Viure al País, cofondador del Partit Occitan e de la federacion Regions e Pòbles Solidaris, aital coma vicepresident de l’Aliança Liura Europèa.
Long de sa trajectòria, Aliròl consagrèt sa vida a l’avançada de l’autonomisme, al refortiment de l’identitat occitana e a la collaboracion entre los movements de las nacions minorizadas. En mai d’aquò, exerciguèt pendent dos mandats coma cònsol màger de Sant Ostian (Velai). Son decès arriba pauc après la mòrt de sa molhèr, un fach que l’aviá tresvirat prigondament dins los darrièrs meses.
Las funeralhas se tendràn dimècres 19 de febrièr de matin, a la glèisa de Sant Ostian. Info / Jornalet
. Totas las condolenças de Pais Nòstre a la familha de Gustau Aliròl , al Partit Occitan e a Regions e Pòbles Solidaris .
Volèm viure, trabalhar e decidir al país !
Site pais-nostre.eu sur Facebook : lopaisnostre