Una enquista realizada per l’IFOP mòstra que lo regionalisme occitan es pas una revendicacion marginala
Jean-Charles Valadier JORNALET del 24 – 10 – 2026
Una enquista realizada per l’institut de sondatges IFOP per Regions e Pòbles Solidaris mòstra que las revendicacions regionalistas an un sosten important dins l’opinion publica. Los resultats son estats represes per fòrça articles de la premsa regionala.
L’enquista IFOP mòstra que lo regionalisme occitan es pas una revendicacion marginala, mas que s’inscriu dins una evolucion mai larga de l’opinion publica francesa.
Aital, lo 65% dels franceses e lo 66% dels occitans interrogats son favorables a una reorganizacion de las quatre regions del sud de l’Estat per melhor respectar las identitats culturalas e lingüisticas, tant occitana coma basca e catalana.
Quant al refortiment dels poders de las regions, lo 56% dels entrevistats de l’espaci occitan se pronóncian en favor d’un estatut mai autonòm, un resultat que mòstra l’existéncia d’una demanda politica reala, e mai demòre inferior a aquela mesurada dins d’autres territòris, coma Alsàcia o Bretanha.
L’enquista mòstra tanben que lo 79% dels franceses e lo 76% dels abitants de l’espaci occitan vòlon que las collectivitats localas pòscan liurament finançar las lengas dichas regionalas.
Aquestes resultats son positius pel movement occitan, que los pòt aprofechar per trescudar una opinion favorabla a las lengas e identitats regionalas en un sosten a l’oficialitat de l’occitan e a una autonomia mai granda de las regions occitanas.
- Ouest France: Selon un sondage, 78 % des Bretons veulent plus de pouvoirs pour les régions
- Corse Matin: Autonomie de la Corse: 64 % des électeurs corses voteraient pour selon un sondage Ifop
- Le Télégramme: Tifenn Siret (UDB): «Le fédéralisme est une voie que l’on n’a pas encore testée»
- Ouest France: 62 % des habitants de Loire-Atlantique sont favorables au rattachement à la Région Bretagne
- Sud Ouest: Langue occitane: 64 % des habitants favorables à son enseignement, selon un sondage Ifop
- Nice-Matin: Près de six Français sur dix se disent favorables à un renforcement du pouvoir régional, voici ce que révèle cette étude