D’ISTÒRIAS D’OCCITÀNIA

LA REVÒLTA DELS VINHAIRONS (2)

Lo principal dirigent de la revòlta dels vinhairons foguèt Marcellin Albèrt, un proprietari d’Argelièrs, qui trabalhava unas vinhas familialas. Dempuèi l’an 1902 comencèt una campanha d’informacion entre los autres proprietaris per aténher la creacion de comitats amb la tòca de defendre los interèsses dels vinhairons lengadocians.

Mas foguèt l’an 1907 quand atenguèt agropar uns quaranta proprietaris de la meteissa vila d’Argelièrs amb l’intencion d’arribar a Narbona e d’expausar los problèmas de la viticultura del territòri a una delegacion de l’Assemblada Nacionala. Devián pressionar mai las institucions e comencèron unas mobilizacions per tot lo territòri (tanben a la Catalonha del Nòrd). Foguèt fondat lo Comitat de defensa viticola.

La cançon “La Vigneronne” venguèt l’imne de la revòlta e lo jornal setmanièr “Le Tocsin” la publicacion qu’informava dels actes del movement. Las primièras manifestacions mobilizèron solament unes milièrs de personas, mas los discorses de Marcellin Albèrt, amb una perfiècha oratòria, encoratjavan los assistents a contunhar.

L’AASOC TOTJORN AMB LA SAPIÉNCIA !!!

L’AASOC TOTJORN AMB L’OCCITAN !!!