Andrieu Lagarda e sas contribucions auràn marcat d’una pèira cantonièra le mond occitan.  L’òme se revèla coma le mèstre passaire de la lenga.

De la pedagogia al militantisme en passant pels collectatges, de l’escritura al audiovisual en passant per  la ràdio, de professor a escrivan en passant per contaire, de poèta a jornalista en passant per traductor… es de bon véser que l’Autor s’aquefera  quand s’agís d’espandir l’occitan tanplan parlat coma escrit.

Son òbra es totjorn viva. Sos libres didactics o romançats, trònan en bona plaça dins totas las bibliotècas. Sos diccionaris fan referéncia, sos contes encantan calandrons e contaires, sos relats enluminan les ostals de retirada…

Nascut dins le País d’Olmes, a Belestar (Bélesta) i passèc tanben sa jovença. Normal doncas que la Comuna e le Cercle Occitan estrenen una placa sus son ostal natal per marcar la reconeissença del país.

Amics e amigas, fraires de lenga o de cultura, seretz les planvenguts, le 19 d’octobre, a cinc oras e mièja,  a la sala de las fèstas de Belestar 5 plaça Maurice Rigaud a aquel eveniment que daissarà brava plaça a lecturas e testimoniatges e que s’acabarà per le veire de la convivéncia occitana.

André Lagarde et ses contributions auront marqué d’une pierre angulaire le monde occitan. L’homme se révèle comme le maître passeur de la langue.

De la pédagogie au militantisme en passant par les collectages, de l’écriture à l’audiovisuel en passant par la radio, de professeur à écrivain en passant par conteur, de poète à journaliste en passant par traducteur… Il est évident que l’Auteur s’affaire quand il s’agit de diffuser l’occitan aussi bien parlé que écrit.

Son œuvre est toujours vivante. Ses livres didactiques ou romancés, trônent en bonne place dans toutes les bibliothèques. Ses dictionnaires font référence, ses contes enchantent écoliers et conteurs, ses récits illuminent les maisons de retraite…

Né dans le Pays d’Olmes à Bélesta, il y passa aussi sa jeunesse. Normal donc que la Mairie et le Cercle Occitan inaugurent une plaque sur sa maison natale pour marquer la reconnaissance du pays.

Amis et amies, frères de langue ou de culture, vous serez les bienvenus, le 19 octobre, à cinq heures et demie, à la salle des fêtes de Bélesta, 5 place Maurice Guiraud à cet événement qui laissera bonne place à des lectures et à des témoignages et qui se terminera par le verre de la convivialité occitane.