Par SAPIENCIA OCCITANIA
Aquò es çò trapat per una còla de cercaires: la majoritat dels mainatges qu’òm considèra que patisson la malatiá coneguda coma iperactivisme (4% de la populacion mondiala) poiriá aver aquela malautiá pr’amor d’una mutacion genetica. D’efièch, los scientifics de l’Universitat d’Harvard que faguèron aquel estudi trapèron aquela mutacion en la majoritat dels mainatges estudiats.
Per ansin, aquela mutacion genetica influiriá sul gèn de mena de norepinefrina, un agent quimic cerebral que provòca d’iperactivitat e manca d’atencion. La resulta de l’estudi suggerís qu’aquela mutacion genetica poiriá entraïnar mai encara patir aquela malautiá. De soslinhar que tanplan es coneguda coma ADHD e las caracteristicas de la meteissa son una granda manca d’atencion del mainatge, poder pas se centrar a l’ora d’escotar, poder pas demorar sul quite luòc sens de movement, e se resistir plan a çò ordenat pels paires.
Un 4% de la populacion mondiala
Òm creu qu’aperaquí tre un 2% e un 4% dels mainatges de la planeta poirián patir aquesta malautiá. Es fòrça mai comuna pel sèxe masculin. I a de mai en mai evidéncias que confirmarián qu’es una malautiá qu’a pas la siá origina a l’ostal e que la causa ne poiriá èsser biologica. Aquò es çò qu’òm pensa uèi, pr’amor que pendent decadas, òm pensèt qu’èra la resulta d’una pichonela lesion cerebrala del mainatge. Uèi, òm comença a trapar la sieuna origina amb de tèrmes scientifics: la genetica.
Plusors cercaires sospechavan fa temps que la siá origina poiriá èsser genetica; los mainatges poirián patir qualqu’un problèma quand actuava lo neurotranmissor conegut coma norepinefrina, plan usat per l’activitat neuronala. Se n’i a pas lo cervèl patís manca de motivacion e, fin finala, una depression.
A mai, divèrses estudioses avián agachat qu’una fauta d’equilibri entre aquel neurotransmissor e los agents que menan de messatges al cervèl pòt tanplan entraïnar de problèmas grèus coma ansietat e depression. Pr’açò una còla der cercaires, dirigida per Kwang-Soo Kim estudièt geneticament aquel neurotransmissor. La resulta de l’estudi foguèt estonanta, car mai de la mitat d’un grop de mainatges que patissián d’iperactivitat e manca d’atencion avián patit una mutacion genetica d’aquel neurotransmissor. L’estudi foguèt publicat al numeric scientific Proceedings.
Segon los cercaires una manca d’agents transportadors de norepinefrina pòt entraïnar una conducha compulsiva e doncas aquela mutacion genetica poiriá far créisser l’escasença de patir d’iperactivitat o manca d’atencion. Pasmens, los quites scientifics demanèron un estudi mai prigond per poder confirmar d’un biais definitiu aquelas nòvas donadas rescatadas amb aquesta malautiá infantila.
La redaccion