L’òbra : Emai se de costuma Sèrgi Viaule prèsa gaire parlar d’el, un còp de mai aquò’s sa volontat militanta que lo butèt a escriure aqueles tròces autobiografics. Non pas per « se passar la bròssa de relusir sus l’ego », coma o ditz tan plan dins son prefaci, mas perque sa « sola ambicion es de relatar una accion militanta pel menut, de far òbra de testimoniatge per las generacions actualas e futuras d’occitanistas ».
Dins aquel libre se presenta clarament coma nacionalista e coma resistent a la francisacion d’Occitania. Cadun se farà son idèia suls combats que menèt dins sa vida. Ni per tot, cadun retendrà qu’es un dels rares occitanistas a aver butat sas conviccions fins a conéisser las jaulas de l’Estat francés.
Lo relat de son itinerari de vida participa a l’escritura de l’istòria, fins ara pauc documentada, del movement occitanista de las annadas 1970-1980. Son testimoniatge es d’ont mai preciós per las generacions venentas d’occitanistas qu’elas devon dobrir d’autras dralhas de resisténcia adaptadas als temps que son los nòstres. Se conéisser l’istòria es indispensable per analisar lo present, de cap de biais pòt pas èsser un modèl per l’avenidor. A l’ora d’Internet d’autres metòdes d’accions radicalas devon èsser inventats. D’aquí l’importància de conéisser las experiéncias de nòstres davancièrs. Aquesta n’es una demest plan maitas.
L’autor : Sèrgi Viaule es sortit d’Albigés e i demòra. A escrich poësias, novèlas e romans. Sa singularitat dins lo cortal de la literatura nòstra es qu’a publicat fòrces racontes de viatges : Escorregudas en Albigés, Passejada en Escandinavia, Sus las pesadas de Robèrt-Loís Stevenson, Barrutlada en Irlanda e en Gallas, Jornal d’un jaquet, etc. E mai nos porgís a nosautres los legidors del sègle XXIen un occitan natural, de bon comprene, enrasigat dins sa pratica quotidiana de la lenga.
Lo libre de 160 paginas se pòt crompar en linha sul siti de las edicions dels Regionalismes : https://www.editions-des-regionalismes.org/products/intinerari-dun-resistent-brigalhs-dautobiografia
Lo pagament per carta de crèdit es securisat.
Se pòt tanben crompar lo libre per corrièr en mandant un chèc de 23,00 € (17,50 € de crompa mai 5,50 € de faisses de pòrt) a l’òrdre de « Editions des Régionalismes » a l’adreiça seguenta:
Editions des Régionalismes
48b, rue de Gâte-Grenier
17160 Cressé
De notar que lo mandadís se fa amb numèro de seguit (letra verda o colissimo).
Per maitas entresenhas : editions-des-regionalismes.org
Tel : 05 46 32 16 94
Obratges recents del meteis autors a las meteissas edicions:
Pas de panica a Sant-Perdols (roman gendarmièr) – editions-des-regionalismes
Jornal d’un Jaquet (del Puèi de Velai fins a Compostèla sul Camin de S – editions-des-regionalismes
Dins las pesadas d’eN Robèrt-Loís Stevenson (del Puèi de Velai fins a – editions-des-regionalismes
Una ponhada de clavèls (nòvas en occitan) – editions-des-regionalismes
Fotrairòl (novèlas eroticas en occitan) – editions-des-regionalismes