***
Li fiho de deman auran de noum estrange
neissènt sus la derivo di vènt que fan lou jour.
Lou tèms lou mai redoun es lou tèms que se manje.
Perqu’estaca la primo au culimen di flour ?
***
Sis iue an-ti encaro uno vesioun de l’aubo ?
Si cor lèst d’espera li fru d’un tenamen ?
Si proumesso d’ivèr engacha dins si raubo
Que li levet fiéubaston de lus d’enfantamen ?
***
Amazouno nuso sus d’alo d’un dragoun,
’mé si bras deliéura di coua de la sartan,
guignejaran si flan i flot de l’ourizount.
***
Aro qu’an descarga coutihoun e riban,
enfantaran lis oundo de soun nis esvani,
aguènt pèr rituau just fèbre d’aveni.