Pianu Bastia Cità immersiva 2026-2032 aduttatu à l’unanimità !

Un quatru novu di a pulitica municipale à prò di a lingua è di a cultura corse prisentatu da l’aghjuntu à u Merre Pasquale Castellani.

U scopu : Cambià di scala è scrive a lingua in core di e pulitiche municipale, da ch’ella sia di più tramandata, vista, intesa è praticata in a vita cutidiana.

Un pianu custruitu arrimbatu à parechje fisce uperaziunale in tutti i duminii di cumpetenze municipale.

Primu puntellu prisentatu : a prima zitellina, l’educazione è a giuventù, cun l’ambizione di custruì un veru cuntinuum linguisticu, da a ciucciaghja à l’adulescenza.

Azzione digià avviate :

Sezzione immersiva è bislingua inde a ciucciaghja L’Anghjulelli,

Primu centru di i sciali municipale immersivu in Campanari,

70 % di l’elevi scularizati in bislingu à a rientrata 2026-2027, invece di 38 % in u 2015