UNES RENDÈTZ-VOS DEL MES DE JULH • dimècres 1èr : Total Festum en Val de Danha : Johnny Bambou a Vilatritols ; danças en cèrcle (18h30) a Campanhan d’Aude • dijòus 2, a Tesan : balèti amb Pulsatilla • divendres 3 : Total Festum en Val de Danha : a Pradèlas del Val : talhièr-cosina (17h), balèti amb Pulsatilla (en serada) • Del 2 a dimenge 5 : Universitat Occitana d’Estiu a Nimes • dissabte 4 : balèti a Ladèrn de Lauquet amb Fresquèl • dimenge 5 : Marcha de la sal (despart d’Arcas a 8 h del matin) • del 8 al 12 : Universitat Occitan d’Estiu a La Guèpia • dissabte 11, : recital del grop vocal Adara a la glèisa de Brossas (17h30) • dimenge 12 : Fèsta del melon a Pesens • divendres 17 : Aux arbres on danse a Fabresan, amb Karpostal ; balèti a Arzens amb Fresquèl • dimècres 5 d’agost : contes d’Alan Roch a Tornissan ================================================================

• Mòstras de véser : – I Viure, mòstra fotografia + reportatge, a La Forestière (46, av. de la Montanha Negra a Caunas ; sus rdv : 0699896921 ; fins al 20 de setembre) . Completada per una mòstra Demorar a l’abadiá de La Grassa (fins al 5 d’octobre) – L’art aborigène d’Australie, al Musèu de Lodèva, fins al 30 d’agost www.museedelodeve.fr/exposition/art-aborigene – Mémoires de grenier, a l’Ostal de las Memòrias a Carcassona ; fotografias de Jean Belondrade, fins a la fin d’agost. – Als Essarts, a Bram : mòstra Lo pichon pòble de l’Anna Sardà ============================================================

PARUCION : L’ÒC A LA BOCA Long de l’annada escolara, classas de las Calandretas (Miquèl Decòr ; La Barbacana ; La Rosèla) e del collègi del Bastion an obrat a l’elaboracion d’un quasernet de 24 recèptas del país : ensaladas, fogassa, pastís de pòrc, qopa a l’alh, azinat, estofinada, rozòla, trufada, galina al pòt, aurelhetas, copetada, crostada, gimbeletas, milhàs, pompet,… Lo libròt de 40 paginas (format 15×21 cm) pren plaça dins la colleccion Farfadet (n° 44) de l’Institut d’Estudis Occitans-Aude. De comandar : 8 € (+ 2 € de mandadís) a IEO-Aude BP 51042 11860-Carcassona Cedex ============================================================

LA CAPITADA : Lo Maraton de la Lenga Lo debanament de la jornada del 13 de junh a Brossas foguèt de primièra e permetèt de parlar e d’ausir d’occitan long de 18 oras! (E se compta pas los sòmis que faguèretz en seguida!) VÒTRE ESTIU OCCITAN – Los festenals • Festen’Òc a Saurat : Saurat en Arièja vos espèra per son Festen’Òc (24ena edicion ; festenoc.com) amb un programa de tria. Vaquí la tièra dels principals artistas qu’i participan (mas i a plan d’autras animacions) : dissabte 11 de julh : Manu Isopet, Bal Orquestrina Trama, lou Seriol ; dimenge 12 de julh : parelh Capèl/Lopez, Perqué pas e Mistralkizz ; diluns 13 de julh :Ave l’accent, Peiro douso e Graines de sel. • Dins Aude, lo Festenal Convivéncia farà escala a Castèlnau d’Ari (11/07) amb Kostana (Balcans) e Officine Meridionali (Italia) ; a Vilasecalanda (13/07) amb lo triò Tikismikis (Argentina) e Rebecca Roger Cruz (America latina, Espanha) ; a La Redòrta (15/07) amb Tarafikants (Romania, Balcans), a Omps (16/07) amb Bassi Bakambi (Congò) e Juliette Magnevasoa (Madagascar) e al Somalh (18/07) amb Poplitê (Nòrd-èst de Brasil) e Framboyan (Mexic e França) • Trad’Estiu a Foish : Se passatz per Arièja, poiretz prene part al Trad’Estiu a Foish. Se dobrirà amb de teatre occitan per la Comedia Occitana Tolzana aqueste dijòus 16 de julh. Divendres 17, poiretz dançar amb Fresinat e Feubrêche. Dissabte 18, de vèspre : prestacion del grop folcloric Troubadours du Comminges ; mòstra de fotografias e conferéncia : Lenga e cultura dins lo pastoralisme ; aprèp lo Trad’aperitiu, balèti amb Estornapic e Cosmòs Chocolat. Lo dimenge 19 de vèspre, poiretz vistalhar Foish en occitan ; los mainatges dançaràn amb Sors des Mains de Tes Poches. Aprèp lo Trad’aperitiu, balèti amb Coriande. • Rendètz-vos Estivada a Sebazac : La Nòva Estivada se tendrà sus 3 jorns a Sebazac, a qualques quilomètres de Rodés (https://estivada.eu/). Divendres 24 de julh, s’estrenarà la mòstra del collectiu PEL ; s’escotarà cantar Rosalina, Tròba Vox, Dus au Casau e M’Braia ; se dançarà amb Bolbena ; Varalh-Sistèma animarà l’aperitiu-concèrt. Dissabte 25, estagi de cants polifonics ; Monica Burg contarà ; lo Teatre de Pas Res jogarà ; las Tripletas faràn dançar ; concèrts de Platane e Zabozor. Dimenge 26, dejunar-tripons, conferéncia de Danièl Loddò e balèti amb la Talvera clavaràn la manifestacion. Cada jorn: talhièrs de dança, passejadas comentadas, animacions per la drollalha, jòcs tradicionals , conferéncias, mòstras, taulas redondas, projeccions, rescontres literaris, granda librariá occitana, talhièrs d’art… Se pòt beure e manjar local sus plaça. • Festenal de Russòl (Lauran de Menerbés ; https://russol.fr/festival/) del 30 de juh al 1èr d’agost : Annibal Galant e La Diane-cinè-concèrt de l’Aimat Brees ; Dialonaz (maloya) e MAQX (grop occitan), lo 31 e Maëlle Rouifed (world) e Lucile Revel & Roman Raynaud (jazz-blue) lo 1/8. • Fèsta occitana de Còrdas sus Cèl lo 14 e lo 15 d’agost : musica, balètis, contes, animacions, … • a Hestiv’Òc a Pau del 20 al 23 d’agost : un festenal dobèrt al ritme d’Occitania, d’Euskadi, lo rescontre de Pirenèus e de la Mar nòstra e al-delà. Programacion de descobrir sus : hestivoc.com. • SOSTENÈTZ L’ACCION DE L’IEO-Aude Es encara temps de pagar ! Mandatz vòstre escotisson a l’IEO Escotisson 2026 : 30 € ; coble, associacion : 38 € ; jove, caumaire : 12 € amb sosten a una estructura locala : 40 € ; coble, associacion : 50 € ; jove, caumaire : 16 € Enrodar l’associacion locala que vos interèssa : País de Carcassona – Fasètz la Lenga en Cabardés – Esperasan – Fenolhedés – Grussan – Narbona – Quercòrb Mandar vòstre chèc a l’òrdre d’IEO-Aude a : IEO-Aude BP 51042 11860 – Carcassonne Cedex ——————————————————————————– Nom, pichon nom ………………………………………………… Adreiça postala …………………………………………………… …………………………………………………………………… Corrièl ………………………