1 Passejada a Calhop

2 Passejadas al long del Toire

3 Total Festum dins Aude

4 Letra FELCO :   https://www.felco-creo.org/

5 Lecturas del CAOC

Uèi volèm vos parlar de la lectura venenta, lo libre Dins de patetas rojas, de Maria Roanet. Ela èra maridada amb Ives Roqueta, çò que per primièr còp farem doas sessions seguidas dins la mateissa familha!

Maria Roanet moriguèt fa pas gaire, lo darrièr genièr. Es per aquò qu’avèm causit de partejar amb vosautres l’article necrologic paregut a Jornalet. Vos recomandem de pas mancar de veire los vidèos del final de l’article. Roanet faguèt partida de la Nòva Cançon Occitana e a una brava discografia.

Per çò que fa al libre, raconta sos remembres d’enfància a Besièrs. Es un libre que nos fa aprene las costumas e la vida d’aquela epòca. Mas aquò o raconta plan melhor Daniela Bertin dins l’espaci «Libres» d’Òctele:

Voliam tanben profechar lo corrièr per vos mandar nòstre resumit de la darrièra session:

A cada jorn son mièg lum, la fòrça poetica e umana de l’escritura e l’univèrs d’Ives Roqueta

Al còp que ven e bonas lecturas!

Dolors Català i Esther Lucea
Coordinadores del Club de Lectura
Cercle d’Agermanament Occitano-Català