Adishatz a tots, bona fin de setmana, aquiu lo jornau de la redaccion de Ràdio País de la divés 4 d’abriu de 2025 :

– Economia : l’entrepresa d’Òlt e Garona GiFi qu’anóncia oficiaument la barradura de 11 botigas e 300 licenciments ;

– Cultura : lo doblatge que serà a l’aunor aquesta dimenjada a Nai, au parat deu 15au aniversari de Conta’m, presentacion dab Ludovic Jouanserre ;

– Agricultura : Despuish pòcs d’annadas, un navèth Juranson qu’emergeish, lo petilhant. Que’n parlam en companhia de Casimir Capdevielle, ancian vinhaire au micrò de Ràdio País ;

– La nosta paja rugbistica : Pau que va recéber aneit los anglés de Bath en ueitau de finau de copa d’Euròpa ;

e que clavaram la nosta edicion dab lo noste casernèt nere, e eth País Thòi de qui plora aqueste maitin ua figura de la vath, Simon Crampe.