sabiatz aquò ?

Parlar polit, escarraunhes pas la lenga !

RÈGLA DE SINTAXI, o sabiatz, va/ba sabiatz, lo sabiatz aquò ?

En occitan, lo pronom LO es emplegat per quicòm de concret o de precís, que se pòt identificar, que se pòt comptar, que se pòt tocar.

Exemples : « Son nom, LO te sabi pas dire » (Loïsa Paulin).

Aquel libre, LO te doni ; Aquel trabalh, LO vau faire.

Quand s’agís d’una abstraction, se ditz O (pronom neutre).

Exemples : « Occitans, sens O saber » (Joan Bodon)

« Diguns O ai pas jamai sabut » (Nadalet de Lengadòc naut)

« O te disi, n’i a pro ! »

La diferéncia es plan neta en lengadocian, entre LO e O. E per pura manca d’atencion, sèm a mand de perdre aquel punt de sintaxi !

NB: Dins lo sud de Tarn, carcassés, al luòc de O, dison « BA » (Betacisme de V–> B).

Exemples : « Ba sabi ben pro » ; « Ba cresi pas » ; « Ba te demandi », …

En Provença O es la forma classica (Provença centrala) ; VA dins lo parlar maritim e LO en rodanenc (parlar de Mistral) e niçard.

L’OCCITAN ES UNA LENGA EXACTA E MENIMOSA !

Amb l’ajuda de Mirelha Cerezo

Illustracion, extrach gramatica lengadociana de Léon Lamouche. Edicion Parage de Mount-Pelié, 1942