Es a Tolosa dempuèi 2 meses: avèm l’astre e lo plaser a l’IEO 31 d’aculhir dins los nòstres corses, l’universitària japonesa Naoko Sano. Ièr, Naoko assistiguèt al cors de Carbona: foguèt un polit escambi amb los aprenents. Naoko es a realizar una enquèsta per saber las motivacions dels adultes qu’aprenon l’occitan. Sèm glorioses d’acompanhar Naoko dins aquel trabalh de recèrca que nos fa tant besonh. E tanben sèm onorats que Naoko participe als corses de l’IEO 31.