Jean-François Laffont

Lo carnaval de Tolosa a començat fa quatre ans, e a començat per quatre estudiants qu’avián enveja de s’amusar e far la fèsta plan fèita, la vertadièra fèsta. E l’an qu’a seguit, avèm fait una fèsta un pauc mai importanta, mas aquela annada, fasèm, pensi, la causa la mai granda per nosauts, la causa la mai importanta : far venir lo Brasil a Tolosa.

Laurent Michot

Lo rapròchament amb Brasil se situa dins lo cap de la bastison de la comunautat occitana. Se decidissèm de bastir Occitània, o de l’afortir perque existís efectivament per mantuna manifestacion. Serà malaisit de bastir Occitània amb l’ajuda de París, pr’amor que París ajuda pas gaire, aquò’s pas lo siu interès. Pr’aquò, los autres païses latins, que siasque Catalonha, Espanha, Portugal o Brasil, son dubèrts, an la possibiilitat d’èsser dubèrts a la cultura occitana. E d’un autre costat, l’especialista de la musica del C.O.C.U e de l’IEO, qu’es lo meteis, pensa, e nos l’a provat, que la musica brasilièra auèi, es la sola musica que siasque capabla de resistir a l’envasiment de la musica nòrd-americana.

Robert Marty

Batalha va disiá « cresi qu’una societat comença d’existir quand comença a poirir » e finalament, cresi que quand un sistèma s’acaba e de desmarga que l’existéncia, vertadièrament, comença. E lo fantastic, es la frucha, la milhora frucha que se pòt balhar a una societat. E lo carnaval, cresi qu’es aquò tanben : dins una societat, lo carnaval es l’explosion, es la naissença, benlèu d’una fin, e benlèu tanben d’un autre començament, perque, finalament, los començaments, es totjorn amb la mòrt de quicòm e lo començament de quicòm mai.

Nazare Pereira

Carnaval é alegria no coração. Eu acho que desde que essa alegria passe, esse amor, durante o Caranaval, ele pode ser em Toulouse como pode ser no Rio, como pode ser em Belém do Pará, onde eu nasci, Portugal, não importa. O importante, é a alegria que você dá nesse momento do Carnaval. »