D’ISTÒRIAS D’OCCITÀNIA

LA ROMANIZACION (1)

L’eiretatge de la Roma anciana dins de la configuracion del pòble occitan es decisiva. Pensam a la meteissa lenga que proven del latin. Lo procès de conquista comencèt per la Provença, quand la colònia grèga de Massalia (l’actuala Marselha) demanda d’ajuda militara als romans l’an 125 aC pels sieus conflictes amb los pòbles autoctòns del territòri. La conquista romana acabèt amb las guèrras de la Gàllia pendent lo govèrn politic e militar de Juli Cesar al sègle I aC. Aquela conquista foguèt tanben ligada a las guèrras intèrnas de las poderosas familhas patrícias romanas.

La meteissa Massalia foguèt incorporada definitivament a l’Empèri Roman pel sieu supòrt al general Pompèu lo Grand, enemic de Juli Cesar. Lo meteis nom de la Provença proven del nom latin “provintia”, la província. Narbona venguèt la granda vila romana al sud, fondada amb lo nom de Colonia Narbo Martius (del dieu Mart) l’an 118 aC. Bordèus foguèt conquistada l’an 60 aC. Tolosa venguèt pendent qualques epòcas la quatrena vila mai poblada del costat occidental de l’Empèri.

Parlam sustot de las vilas perque l’Empèri Roman foguèt urban, amb una sèria de vilas connectadas per las “vias”, las autopistas de l’epòca. Per la longa preséncia del domeni roman, podèm afirmar que las tèrras occitanas foguèron de las mai romanizadas de tot l’Empèri.

L’AASOC TOTJORN AMB LA SAPIÉNCIA !!!

L’AASOC TOTJORN AMB L’OCCITAN !!!