29 desembre 2025

Lo passat divendres 12 de desembre faguèrem la session vint e unena del Club de Lectura. Legiguèrem lo libre Jacinta, casa e país, de l’autora aranesa Pepita Caubet.

Demest los participants en la session i aviá una aranesa, Bibiana Gonzàlez, que aviá conegut l’autora e sa familha e profechèt per nos racontar plan de causas d’ela. Lo libre agradèt fòrça perque constituís un vertadièr document istoric dels cambiaments que lo torisme portèt als araneses.

Lo libre agradèt plan als lectors e estrambordèt mai d’un amb son estil dirècte e amb aquel aranés viu mas plan bon de comprene.

Abans de finir la session profechèrem per parlar de la trajectòria de nòstre Club de Lectura, que ara ja a tres ans de vida.

Per la session venenta legirem Verd paradís I, de Max Roqueta. Aqueste es un libre que se pòt trapar revirat al catalan per Jaume Figueras. L’edicion tanben conten la version occitana originala. D’aquí qualques meses ne legirem la segonda partida.

Dolors Català e Esther Lucea

Coordinadores del Club de Lectura